Атырау облысы мемлекеттік архивінің
сайтына келгеніңізге қуаныштымыз!
Біздің еліміз «Қазақстан-2050» стратегия жоспарына сәйкес, әлемдегі ең озық дамыған отыз мемлекеттің қатарына кіру бағытында қарқынды дамып келеді. Соңғы жылдары біздер көптеген жетістіктерге жеттік. Қазақстан Республикасының «Ұлттық архив қоры және архивтер туралы» Заңы қабылданғаннан кейін архивтердің де қоғамдағы рөлі арта түсті.
Біздің парақшамызға кіре отырып, Сіз архивтің тек өткен кезеңнің баға жетпес құжаттарын сақтайтын ғана орын емес, сондай-ақ, даму үрдісі жүріп жатқан орын екенін біле аласыз.
Атырау облысы мемлекеттік архивінің құрылу тарихы 1928 жылдан бастау алады. Бүгінде архивтік құжаттардың қолданыс аясы кеңейді. Біздер, еліміздің архивтерімен қатар жақын шетел архивтерімен де байланысымызды кеңейтудеміз.
Сіздер сайтымыздан өздеріңізді қызықтырған ақпаратты аласыздар деп ойлаймын.
«Атырау облысы мемлекеттік архиві» КММ ұжымы Сіздерге ашық аспан, зор денсаулық, шығармашылық табыс тілейді.
Құрметпен,
«Атырау облысы мемлекеттік
архиві» КММ Басшысының міндетін атқарушы
Амиржанова Баянслу Рамазанқызы
